Алтай – тӱрктердиҥ jебрен тӧрӧли

Алтай Республика бу кӱндерде ойтоло билимчилердиҥ ле эксперттердиҥ, Россияныҥ ла кыйуныҥ ары jаныныҥ jаҥда иштеген чыгартылу улустарыныҥ jуулган jери боло берди. Jеристе «Алтай – тӱрктердиҥ jебрен тӧрӧли. Тӱрк цивилизация табылганыныҥ тӱӱкизи» деп адалган II телекейлик билим-практикалык конференция ӧдӧт.

Jаан учурлу jуунныҥ пленар бӧлӱгинде Алтай Республиканыҥ башчызы Андрей Турчак ла Эл Курултайдыҥ председатели Эжер Ялбаков турушкан. Андрей Турчактыҥ jетиргениле, туулу Алтай jебреннеҥ бери Евразияныҥ ла башка-башка цивилизациялардыҥ, этностордыҥ ла телекейлик мӱргӱӱлдердиҥ тӧс jери болгон.

Мыныла колбой Алтайда jаан форум ӧткӱрерин тӧзӧгӧндӧри учун Россияныҥ jуучыл-тӱӱкилик ла орооныстыҥ президентиниҥ ордынчызына, РВИО-ныҥ председателине Владимир Мединскийге jаан быйан айдар керек.

Парламенттиҥ спикери конференцияда Алтай Республиканыҥ билимчилери турушканын аҥылап, «Билимчилер Алтай тӱрктердиҥ jебрен цивилизациязы табылганындагы камаанын башка-башка ууламjылардаҥ; тӱӱкидеҥ, археологиядаҥ, лингвистикадаҥ ла кӧгӱс байлыктардаҥ бедирегендери сӱрекей jаан учурлу. Мындый элбек иш тӱрктердиҥ jебрен тӧрӧлин шиҥдеерине ле ӱренерине jаҥы jолдор ачат», – деп jетирген.