Эл Курултайдыҥ сыйлары – ӱредӱликте jозоктуларга

Эл Курултайдыҥ эҥ артык jосокчыларга берилетен сыйлары учун республиканыҥ ӱредӱлигине jаан камаанын jетирген школдоҥ озо, ӱзеери, текши ле профессионал бӱдӱмдерлӱ тӧзӧмдӧрдиҥ ӱредӱчилери тартышкандар.

Конкурска Майма, Кан-Оозы, Кӧксуу-Оозы, Кош-Агаш,Оҥдой, Чемал, Шабалин аймактардаҥ ла Горно-Алтайск каладаҥ текши тоо 15 претендент турушкан. Быjыл сыйдыҥ кеми 100 муҥ салковойго, лауреаттардыҥ тоозыэкидеҥ тӧрткӧ кӧдӱрилген болгон.

Эл Курултайдыҥ председатели Эжер Ялбаковтыҥ jетиргениле, бӱгӱн конкурс ӧткӱрер камыс тӧрт jеҥӱчилди талдаган.Сыйлар кӧдӱриҥилӱ айалгада Ӱредӱчилердиҥ кӱнинде табыштырылар.

Конкурска турушкан кандидаттардыҥ иштеген ӧйлӧри ӱредӱде он jылдаҥ, jосокчыл иште беш jылдаҥ ас эмес ле ӱзеери профессионал узын ле ижи аайынча конкурстарда турушканын керелеген кайралдарлу болор керек болгон.