Эжер Ялбаков эл-jонды Ӱредӱчилердиҥ кӱниле уткыды

Алтай Республиканыҥ Эл Курултайыныҥ Председатели Эжер Ялбаков ончо ӱредӱчилерди ле ӱредӱликтиҥ ветерандарын Ӱредӱчилердиҥ байрамыла уткыды.

«Бу jаркынду кӱски кӱнде кажыбыс ла ӱредӱчилеристиҥ ады-jолын адап, алкыш-быйанду баштанадыс. Тӧрӧӧн-туугаандарыстыҥ да, нӧкӧрлӧристиҥ де ортозында ӱредӱчилерди jылу эске алынып, jӱрӱм-салымныҥ jолына ууламjы берген, jаан камаанын jетирген, бастыра бойын кысканбай ӱредӱликке беринген улус деп бийик баалайдыс», – деп темдектеди.

Республикада бӱгӱн тӧрт муҥнаҥ ажыраӱредӱчилер эрчимдӱ иштейт, олордыҥ тоозында талалык ла текширосиялык конкурс-маргаандардыҥ jеҥӱчилдери, кӱндӱлӱ ат-нереле кайралдатканы, бийик jедимдер алганы jаан тоомjыда.  

«Бис ончобыс ӱренчиктер болгоныс, билгирдиҥ ле билимниҥ jолына баштап, ак-чек ле иштеҥкей, санаа-укаалу болорына таскадып ӱреткен слердиҥ чындык ла турумкай кӱӱн-табыгар учун оморкоп jӱредис. Слерге ончогорго бек су-кадык, бийик jедимдер ле jайалталу ӱренчиктер кӱӱнзейдим!», – деп спикер уткуулду сӧзинде баштанды.