Алтай Республиканыҥ депутаттарыныҥ бойыныҥ сурактары ла келген граждандарла туштажар ээжилери

Эл Курултай jӧптӧгӧнлӧ «Звезда Алтая» ла «АлтайдыҥЧолмоны» газеттерде jарлалаган график аайынча бойыныҥ сурактары ла келген граждандарла Алтай Республиканыҥ депутаттары Алтай Республиканыҥ Государственный Jууныныҥ – Эл Курултайыныҥ туразында 9-00 сааттаҥ ала 13-00 саатка jетире туштажат. Суруузы: Э.Палкина ороом, 1-чи тура.

Туштажуга келген кажы ла кижи бойыла кожо оны керелеген документ ле сурагы аайынча угузузын экелер учурлу. Бичилген угузуда мындый jетирӱлер темдектелер:

1.    Туштажып jаткан депутаттыҥ jамызы;

2.    Туштажып jаткан депутаттыҥ ады-jолы;

3.    Угузу эдип jаткан келген автордыҥ ады-jолы; 

4.    Угузуныҥ авторыныҥ бӱткӱл суруузы; 

5.    Угузуныҥ авторыныҥ телефоныныҥ номери; 

6.    Сурактыҥ аайы: Государственный Jуунга – Эл Курултайга баштанардаҥ озо кайда ла качан кӧрӱлгени;

7.    Сурактыҥ аайына чыгар быжу аргалар;

8.    Угузаачыныҥ колы;

9.    Угузуны берген ӧй.

Угузу сурактыҥ аайын керелеген ле jартаган ӱзеери документтердиҥ копиялары ла jеткилделер учурлу.

Граждандарга Алтай Республиканыҥ депутадыла туштажуны озолондыра бичидерге мындый телефондорго баштанар керек:

8-(38822)-2-27-61 (баштапкы приемный);
8-(38822)-2-28-74 (Аяна Владимировна Тытпакова).

Алтай  Республиканыҥ Государственный Jууныныҥ – Эл Курултайыныҥ аппарадыныҥ ишчизи кажыла угузуга ӧрӧлӧй берилген реквизиттер бичилген контрольно-регистрационный карточка jазайт.

Угузуныҥ аайына тургуза ла чыгарарга jок болзо, сурак депутаттыҥ каруузына, шиҥжӱзине алынат.

Угузаа чыга суракты аайла ажары кандый айалгада болгоны керегинде jетирӱ бир айдыҥ туркунына эдилет.

Бистиҥ сайтка кирип турган граждандарга Алтай Республиканыҥ Государственный Jуунына – Эл Курултайына ӱзеери «Граждандардыҥ угузулары» деп адалган бӧлӱк ажыра парламенттиҥ
Интернет-приемныйына баштанарарга бар, ссылказы бу.